公眾遙控車場潛規則

近日有車友在 Facebook 群組出 Post,樓主話比油麻地渡船街公眾遙控車場玩車時比場內師兄叫佢去 場尾的細場玩,引起遙控車迷熱烈討論。

樓主 @2022.05.02
啲人覺得我好廢,叫我去後邊玩,唔好整佢地架車,聽完之後個心灰晒,我心諗我係新手姐你哋係老手,有邊個未廢過啊,你哋個個拎住專業器材我呢個新手邊有佢地咁勁(初次體驗油麻地遙控車埸)

小編唔喺現場,亦唔了解事件來龍去脤,不適宜作出任何評論。但想講講大家玩車都要互相尊重,老手盡可能支援新手,亦要體諒新手; 同事新手亦要顧及其他玩車人士,在比較小車時才出動。

小編曾經聽過油麻地車場開場無耐,有一架玩具級遙控車亦在場練習,嗰架仲係一架 "變型金剛" 可變型嘅遙控車。就係咁...當其他車友正在如常玩車, "變型金剛" 就喺直路尾突然停車變型! 好彩在場人士有留意佢,先冇做成意外,冇令"變型金剛" 解體保護唔到地球,地球先可以繼續和平落去! 在場車手冇唔啱,"變型金剛"亦冇錯。公家場沒有在場玩車的硬規舉,但一眾遙控車玩家都有一啲潛規則,新手可以參考一下 rcMart 元朗店店長飛仔之前作出嘅呼籲 :-


飛仔 @ 2019.05.05
有好多人,都犧牲左自己嘅睡眠時間,整好部車,期待謹有嘅休息日去玩車,就咁就比人射爛左.....久而久之,只有越來越小人玩。請大家注意一下不要故意撞別人的車,大家都是用心機砌出來,壞左無得玩會好掃興。爬唔到頭就行慢啲,你快係可以但係唔該唔好偷完track,爬唔到頭就撞人地。
玩車無品,再叻都係無品,黑人憎。失控嘅碰撞車主都唔想,新手睇唔到人地架車可以理解,但係受控嘅情況下而故意去撞人地就係錯。電變係有break嘅, ok ?
另外,請大家於反車位置,立即大叫,報出你嘅位置,例如直路頭中尾、左邊右邊、左下角右下角,可避免災難性炒車事件發生。要執車都大聲叫出黎,無端端行出去執車,撞到你又唔好,架車爛左又唔抵,身份倒轉,條track有條友企出黎,自己都未必反應得到。
好多公眾車場玩開嘅師兄都會互相體諒,例如有一批快車玩緊,自己就會等一等,等到快車玩得咁上下收車後先出車。見到有其他師兄玩緊其他類型嘅車,如電單車、F1、... 都會唔落場住,等各類車都有可以使用場地玩得開心。


相關文章

油麻地渡船街遙控車場介紹
https://hk.rcmart.com/ymt-rc-track 

油麻地渡船街遙控車場場地位置
https://goo.gl/maps/v8Ez7Er4giVArtZY7