唔覺唔覺,rcMart 團隊越嚟越多識RC車嘅人。話說早年,我地只有一兩位同事有玩遙控車,但小編今日數一數,原來都已經唔小RC人混咗入 rcMart。團隊成員包括 大師兄秋文、老榮 WW、功夫熊貓 Carven、經理Dickson、黎佬、Eric Lam、店長飛仔、Peter、軒仔、Topman (排名不分先後)。


以上提及過嘅同事對遙控車嘅愛有如滔滔江水連綿不絕,又有如黃河泛濫一發而不可收拾! 返工已經要對住遙控車,收咗工之後佢地都會接觸遙控車。除咗參加各種遙控車比賽、小組活動之外,為公為私都會玩唔同種類嘅遙控車。小編唔覺意咁掃一掃,都搵到佢地最近嘅偷跳紀錄。


2021.05.16 (星期日)

地點 :  天水圍遙控車場
門市星期日休息,店長飛仔今日都離唔開遙控車。佢帶埋佢兩架 Xpress 遙控車 (XQ10, XQ2S) 入咗天水圍車場玩返轉,順便試下唔喺同車場 Xpress 車架嘅設定。



2021.05.15 (星期六)

地點 : 觀塘海濱發現號

發現有同事現身「發現號」玩飄移! 繼早前有油麻地店同事返工前去咗渡船街車場偷跳一轉電單車;今日小篇又發現有寫字樓同事星期六唔駛返工都去咗公司附近「發現號」玩飄移!

想睇吓有咩啱玩嘅飄移遙控車,快上去rcMart睇吓啦!
https://hk.rcmart.com/RC-Drift




2021.05.13 (星期四)

地點 :  油麻地渡船街遙控車場

YMT mini cooper之夜!  今晚我地店長飛仔帶埋佢架YR M07老遠咁由舖頭行去車場玩M車。佢話除左車殼之外,全部都唔認真咁玩!好耐無試過玩車笑到標眼水!




2021.05.08 (星期六)

地點 :  油麻地渡船街遙控車場

油麻地店有新同事 Topman 返工前會先去渡船街車場偷跳一轉!