rcMart 玩具模型專賣店 新貨推介 #84
今期比較靜, 所以我地直接跳去現貨果度先, Bandai有大量既30MS配件番到, 30MS頭髮配件第7彈, 一套4盒有黃色, 灰色, 白色同紅色。另外30ms新角色Neverlia, 今次到貨既係A色。呢款惡魔風格既機娘以淺至深既紫色為主, 面部表情一樣係有三款。睇得出Bandai係幾有心去出機娘系列, 同時到貨既仲有佢既專用配件, 桃紅色短髮, 再加上body parts, 成套套裝係幾有cyberpunk風格。平時砌開壽屋機娘既朋友, 如果你想換下口味, 呢套bandai出既新機娘, 都係唔錯既入手選擇。不過提一提, bandai機娘既膠質係會偏軟身, 平時砌開壽屋既可以要溫柔少少, 以免出事。高達水星魔女新最近都公佈左唔少新情報, 第一季最尾出既水星"熾天使"烏爾魔靈高達近日係到左貨, 因為機設同樣係柳瀬敬之, 所以外型係幾相似。作為同樣既重裝甲機, 有唔少人係裝佢重噴左熾天使既顏色, 原來係意外好睇幾倍, 市面亦係一度賣斷貨。由於機體外形獨特, 都唔少人估可以同另一部索恩魔靈高達合體, 或者係有追加裝備。SDW最近出既機體就愈黎愈型, 最早排出既異變正義無限龍相信唔少人都砌左, 仲同部超越之龍合埋體。不過大家唔好唔記得仲有第3隻霸道卓越暗黑龍, 由於結構上係相同, 理論上係可以三機合體, 官網寫3月會到貨, 大家應該好快見到。
- Bandai 5064224a 30MS Option Hair Style Parts Vol.7 Long 2 Yellow 2
- Bandai 5064224b 30MS Option Hair Style Parts Vol.7 Pigtail 5 Navy 1
- Bandai 5064224c 30MS Option Hair Style Parts Vol.7 Ponytail 5 White 1
- Bandai 5064224d 30MS Option Hair Style Parts Vol.7 Straight 1 Red 2
- Bandai 5064018 30MS SIS-D00 Neverlia Color A
- Bandai 5064019 30MS Option Parts Set 6 Chaser Costume Color A
- Bandai 5065088 1/144 HG TWFM Gundam Lfrith UR
另外又講下呢一兩星期會到既HG曉擊霸同藍眼白龍。講起曉擊霸, 又提提個版權故仔先。曉擊霸係眼鏡廠設計, 而高達係日昇、名古屋電視台、創通共同出資。可能係受到高達影響, 曉擊霸個樣, 實在係太似高達。所以有傳言眼鏡廠被高達版權方告, 個高達樣要換左佢。連帶壽屋, 都要將所有曉擊霸既資料, 包括模型全數落架刪除。不過亦有人事後揾過, 就唔見有類似案件發生過。所以有眼鏡廠驚被人告, 所以自行規範。不過好在bandai近年收購左日昇, 創通同眼鏡廠, 高達, 機戰既版權全部都係晒bandai爸爸手上, 曉擊霸都重見天日。聽完故仔, 又睇番盒HG有咩特別先, 素組分色見到係非常完美, 得眼部,同監視器要貼貼紙。可動有近代HG標準, 光劍, 地台, 佢標誌性既黑洞炮都有送。雖然售價係偏貴, 但實物出到黎, 都叫做對得住個價錢。
遊戲王相信無玩過都有見過, 周邊平時出唔少, 但模型方面都係得bandai同壽屋係有出過。而bandai除左千年神器之外估唔到佢會出埋, 藍眼白龍。今次呢款FRS藍眼白龍出得相當有心機, 本體係銀白色成形色, 充滿力量同肌肉感, 全身都係偏亮光, 口部可以打開, 條舌有得伸縮, 整體長度長過支標準樽裝水, 單翼打開約26.5CM長。翼膜係今次既亮點之一, 料質用左半透明軟膠有一定拉伸性, 方便玩家打開或收埋對翼。而身體中間為左確保可動性同自然性, bandai特別採用左兩條粗身鐵線去做支撐同連接。今次既藍眼白龍, 個人認為係出得好好, 好多唔錯既新嘗試。同埋合理懷疑三頭藍眼白龍或者紅眼黑龍會出響PB限定度, 畢竟係B財團。
想知rcMart每星期有咩新pre-order同新貨既朋友, 記得CLS, 點埋個鐺鐺。想知最新玩具資訊既朋友更加可以追踪埋我地Facebook! 我地下集再見。
