2018年5月,我地rcMart團隊路過日本,順便參觀埋我地想去好耐既 日本田宮模型專門店 (新橋店) 。


香港嘅模型店數目越嚟越小,而幸存嘅模型舗面積都係一樣越嚟越小,所以我地去到日本既大型模型舗就好鬼開心,特別係 Tamiya 孖星專門店 (我地去參觀嗰陣香港田宮模型專門店都未開張),地方又大、又乾淨、又舒服。日本田宮模型新橋專門店有幾層,分別存放遙控模型車及零件、田宮四驅車模型及零件,仲有個四驅車車場仔,規模比田宮模型香港專門店大好多。去片睇睇....



我地團隊此行仲有一個目的,就係搵日本田宮模型成日出鏡嘅姐姐仔合照,只可惜我地呢次行程撞唔到佢,所以有D美中不足。但呢個都係比我地下次再去多次嘅借口,哈...