廈門國際車輛模型平路大獎賽 SIGP 2024

賽事名稱:Sunpadow International RC Car (On-Road) Grand Prix
賽事地點:廈門三圈模型科技體驗基地ARC國際遙控賽車場
賽事日期:March 20-24, 2024
賽事成績:https://sigp.liverc.com 
比賽項目:

  • 1/8內燃機平路車競速賽
  • 1/8電動平路車競速賽
  • 1/10電動房車modified競速賽 
  • 1/10電動房車Stock競速賽

  • 賽事成績

    Modify Class

    在最終的第三輪A組 Modified 電房決賽中,由於Bruno 已在前兩輪拿下勝利提前獲得 SIGP 冠軍,為了整體賽事的公平性,Bruno 並未參與第三輪的決賽,但基於國際禮儀還是在操控台上觀看賽事。

    這一輪則由新加坡 Yokomo 車手Nicholas頭車出賽,可以看得出來這次Nicholas 似乎是下定的決心一出車就揚長而去!完全不給對手有貼身肉搏的機會。JJ Wang 雖無法貼近,但也沒有讓距離拉開,直到中場的一個嚴重的翻車,不僅失去拿下第二名的機會,反到給了另外一位中國選手,馬浩然一個天大的機會,就此超車,最終馬浩然在這一輪拿下第三,JJ居第四。

    講得係大獎賽,獎金當然有返咁上下。Modify 冠亞季分別可得獎金人他 $20,000、$10,000 & $5,000。其他名次都有 $1,000 - $3,000 獎金!


    海峽兩岸精英賽

    海峽兩岸精英賽以 Modify 賽事的車手名次計算,將來自中、港、澳、台的車手來一個排名! 所以排骨仔同大師兄都自動上榜攞獎金!



    Stock Class


    Xpress 張雲凱在 Stock 組別取得 A5 成績



    Xpress 車手賽後報告

    騙徒嘅手法層出不窮,大師兄秋文同排骨仔Eric 喺 大獎賽呃到獎金!深圳小朋友張雲凱也有好成績,以實力贏得獎金! 恭喜恭喜!


    排骨仔Eric賽後報告

    成績 : Modify A10 ($1,000) & 海峽兩岸精英賽第6名 ($1,000)

    SIGP 比賽結束,最後成績十車完成,兩場八車,一場七車。第一次在大型賽道比賽感覺好不同,對手都係國際級,都係人車運缺一不可。

     



    大師兄秋文賽後報告

    成績 : Modify B4 & 海峽兩岸精英賽第10名 ($500)

    廈門大獎賽完成,又一埸好玩比賽,一定會再去,今次有個安慰獎 ,多謝張哥、蔡sir、廈門好友安靜的安排和照顧。隊友排骨王入A組。深圳小朋友張雲凱也有好成績,今次又形成了一些新朋友,高興,多謝各位大哥支持。

    大會特別獎項峡两岸精英赛,最後是第六。特別鳴謝張先生,我地Xpress廈門大哥多日來既照顧; James Choy既交通安排; 大師兄既技術支援 & 安靜大哥既房間安排


    張雲凱賽後報告

    成績 : Stock A5 ($700)

    ~~ Coming Soon! ~~



    走佬日誌

    泰國 TITC  2024 返嚟唔係好耐,佢地已經 plan好走佬去日本鬥 Xpress Japan 盃賽!但係….去日本之前,先走佬去一轉廈門! 大師兄秋文同排骨仔Eric 去廈門參與 SIGP 2024 廈門大獎賽 Modify Class,睇吓可否搏大霧贏獎金!佢哋同樣會以 Xpress XQ11 出賽!


    2024.03.24 賽事結束

    1/10 Touring Modify A組決賽 有 Bruno、Nicholas Lee、JJ Wang 同國內其他高手在場,鬥起上黎一D都唔容易。排骨仔 Eric雖然混入A組,但要取得更前名次都唔容易,最終以A10完成賽事。而大師兄秋文在 B組以B4完成賽事。



    2024.03.24 Xpress 年青車手張雲凱

    深圳年青車手張雲凱以 Xpress XQ11 上陣,也有好成績,取得 Stock A組第5名,贏得 $700 獎金


    張雲凱在 Stock 組別取得 A5 成績



    2024.03.24 交功課時間到

    大師兄同排骨仔兩位都係 Flysky 嘅贊助車手,佢地兩位都係選用 Flysky NB4 Pro 遙控器出賽。SIGP 2024 Modify A2 Nicholas Lee 都係選用 Flysky NB4 Pro。為交功課,大家一齊與同場 Flysky 車手合照!



    2024.03.22 排骨仔成功混入 Modify A組!

    SIGP 2024 | 經過咗4個Qualify賽事之後,排骨仔Eric終於攝返上Modify A組,以A10進入決賽。呃到大獎賽獎金之餘仲可以同外星人同場競賽!大師兄秋文埋單計以B2 進入決賽!聽日決賽,兩位同事繼續努力!加油!



    2024.03.22 初賽完成,Bruno Modify TQ!

    所有初賽完成。Xray車手Bruno 在1/10 Modified組別奪得初賽TQ。來自新加坡的Yokomo車手Nicholas Lee緊隨其後,JJ Wang雖缺席尋日第一場初賽,但佢今天三場初賽表現神勇,尤其喺第三同第四輪初賽,最終以第3位進入決賽。來自廣東的Xray車手馬浩然(Marco Ma)初賽排名第4,Serpent蛇仔車手Jeff Hamon第5位。

    1/8 油動平路車組別,Serpent蛇仔車手Jeff Hamon奪得TQ,Matrix Racing輪胎老板Cristian Boni排在第2,Cristiano Sartor第3位,兩位中國香港車手Ray Poon和Lee Chunyin初賽排名4和5位。



    2024.03.21 初賽進行中!

    開波喇! 是日進行咗兩場三圈排位賽 同一場 Qualifier。大師兄暫列 Modify A組第9,而排骨仔為咗襯返架XQ11,暫列 A11 …. 聽日仲有幾個Qualifier賽事,有跑未為輸!加油丫~!



    2024.03.21 無敵是最寂寞~!

    因為手車快到唔似世球人所為,所以Bruno被喻為「外星人」,有傳佢係來自火星,哈哈! Bruno 三圈成績快其他對手一秒起跳,在第一個 Qualify 五分鐘賽事更快過二車 9秒,無錯係9秒而唔係0.9秒,完全係無敵狀態!所以正如佢在訪問中講:「主要與在場車友分享Setting,大家聯誼吓」。


    2024.03.21 開幕式

    SIGP 2024 開幕式!全體賽員及嘉賓合照!仲有醒獅表演,醒丫畏~!
    可能近排世界各地太多賽事,呢次各個項目嘅參加人數比對上一次(2019年)參與人數小,但仍有幾粒 RC外手巨星參賽,包括 Xray Coelho, Yokomo Nicholas Lee & Serpent Jeff Hamon




    2024.03.20 分組練習開始!

    SIGP 2024 正式開始,分組練習今日開始!




    2024.03.19 為大獎賽大額獎金而戰

    除咗操練,都係操練!大師兄同排骨仔呢兩日繼續備戰大獎賽,為大獎賽嘅嘅大額獎金而戰!下星期我地同事有冇 Tea食 就靠你地喇~!




    2024.03.17 操練開始

    大師兄同排骨仔一早到車場,擺好陣就開始操練!





    2024.03.16 走佬去廈門

    泰國 TITC  2024 返嚟唔係好耐,佢地已經 plan好走佬去日本鬥 Xpress Japan 盃賽!但係….去日本之前,先走佬去一轉廈門! 大師兄秋文同排骨仔Eric 今日出發去廈門參與 SIGP 2024 廈門大獎賽,睇吓可否搏大霧贏獎金!佢哋同樣會以 Xpress XQ11 出賽!今日開始操練,加油丫!






    關於:SIGP 三圈國際車輛模型大獎賽

    中國體育旅遊精品賽事,一年一度的亞洲大型平路遙控車輛模型運動賽事—2024 SIGP三圈國際車輛模型(平路)大獎賽下星期拉開戰幕,廈門三圈ARC國際遙控賽車場將雲集海內外車手,賽事總獎金高達人民幣15萬元!期待選手在三圈ARC賽場上展現精湛技藝,為觀眾帶來一場前所未有的國際模型盛宴!
    賽事官網: http://www.arc-chn.com 



    關於:廈門三圈模型科技體驗基地ARC國際遙控賽車場

    廈門三圈模型科技體驗基地位於集美區集美北大道519號,是由廈門輕工業集團有限公司投資建設,整體總佔地面積8.2萬平方米,總投資金額達2,500多萬元,整個基地由國際級遙控車輛模型賽車場、模型科技展館及動力模型體驗館三部組成。

    廈門三圈模型科技體驗基地ARC國際遙控賽車場是國際一流、配套設施齊全的綜合性車輛模型比賽場地,由兩塊分別各為2800平方米的平路賽道和越野賽道組成,兩個賽道並行排列成為全球最壯觀的專業賽車場之一。


    其中本次2024SIGP三圈國際車輛模型(平路)大獎賽所使用的是平路賽道,面積2800平方米(40X70米),實跑賽道總長度約380米,全場地基鋼筋混凝土鋪設,確保地面不會因為冷熱天氣及重壓而產生平整度變化,柏油路面聘請最專業的道路施工團隊,以最先進的壓路機以最高標準來打造,跑道摩擦力達國際水平。跑道出車採用逆時針方向,並可隨時跟據不同類型比賽調整跑道的路線,進站加油區特別做安全保護網保證助手人身安全,兩個賽道排列組合成為全球最壯觀最完善的RC車場。

    賽車場混凝土結構操控台高度標準,視野良好,維修區選用高檔堅固桌面,設置公用電源供應,車輛清潔區乾、濕兩用,超大型空壓機一次同時可以十到十五人使用。




    選購你的遙控模型產品

    Xpress 遙控車
    https://hk.rcmart.com/Car-Kits?fa40=Xpress 

    Xpress 遙控車零件
    https://hk.rcmart.com/Xpress-Spare-Parts 

    更多遙控車
    https://hk.rcmart.com/Car-Kits 

    更多遙控車零件
    https://hk.rcmart.com/Hopup-Parts