事隔兩年,我地又開店喇~! rcMart 元朗店依家裝修中,預計在 2021年9月可以同大家見面~!


元朗店選址

@ 2021.08.09 

2019年6月我哋喺油麻地開咗第一間實體模型店,兩年嚟好多謝各位師兄嘅支持,油麻地店總算企穩陣腳!  好多師兄喺呢兩年嚟都比咗好多意見我地,令我地可以慢慢進步。


為咗方便各位新界西嘅師兄選購心愛嘅模型產品,過去一兩個月我地一直在元朗物色合適嘅地點去開新門市。選址目標係面積唔好太細、租金唔好太貴、交通要方便、又要可以停到車,....... 。我地做模型好難去負擔一、二線街嘅靚位,所以目標鎖定三、四、五、六線街舗。元朗區吉舗近月隨香港內需經濟改善吉位已買小見小,睇咗好多唔同大細嘅地舗,通常只有一樣嘢唔啱,就係個租金。曾經都有睇埋元朗新、舊商廈樓上舗,但唔係太細,就係太貴,一直都搵唔到合適地點。我地亦閃過一個諗頭喺工廈入面開店,但在工廠做零售始終有啲驚,所以念頭閃一閃之後都冇去睇過工廈。

租金對模型行業嚟講都好難負擔吓!  就喺我地幾乎要擱置元朗開店計劃嘅時候,比我地遇到呢個鋪位。鋪位處於元朗舊式商場地下內,實用面積近1,000呎,租金屬可負擔範圍,經過一輪租金拉鋸,我地最終決定選址呢度作為我地 rcMart元朗店嘅選址。呢個模型店可負擔嘅鋪位一定唔會完美,鋪位有佢嘅不完美地方,就係舊式商場走廊冇冷氣,而且仲有好多冷氣散熱機頭放在走廊天花,熱上加熱。但租金可以令彌補佢嘅缺陷,日後開店之後請各位師兄多多包容,行快兩步閃入店內!  到冬天....可能呢個缺點就會成為優點!


店舖地點已選,下一步就要想想裝修同運作,令店舖盡快開業!  

    



元朗店裝修

@ 2021.08.16

公司成立咗近廿年,經歷過好多次搬倉搬寫字樓,裝修方面已有用開嘅班底,而間隔規劃方面都有一定嘅經驗。加上有咗開設油麻地店嘅零售店經驗,呢次裝修同規劃變得好簡單,相對沒有難度。


店舖在舊式商場之內,不用考慮洗手間及來去水問題,而上一手亦以 "Bare Shell" 狀態交場,省卻咗清拆嘅費用同時間,基本上只考慮天、地、牆及電製位問題就完成基本硬件裝修。我地一共用咗兩日就完成咗個佈局,再同師傅現場睇多一次,將設計佈局圖交給師傅就唔駛再喺現場出現,一切交比師傅去攪,只間中同電話溝通一下未預見的問題。


天花因燈盤位置不同,需要改幾乎所有燈盤的位置。改位與新做天花的人工相差不遠,只差材料錢。為達到最舒適效果,我地決定成個天花做過,同時亦改用LED燈盤照明,希望省出來的電費可以幫補更換天花工程。地面就很簡單,跟油麻地店一樣,鋪上膠地板就可以了。牆身因為比D貨品櫃遮蓋得七七八八,所以索性唔油,等放好哂D櫃之後再針對唔靚仔嘅牆身進行修補。同時我地都安排左冷氣師傅清洗全場冷氣出風位同散熱機頭,洗一洗乾淨啲又好風D。


其他傢俬如玻璃櫃、貨架、收銀枱、..... 呢類物品,有咗油麻地店經驗,我地只係稍為修改、進化就攪掂,攞咗鎖匙第二日已開始訂造。我們在裝修期間,亦開始準備貨架同其他店內用品同設備,如收銀系統、支付系統、防盜設備......,因亦不用思考,只將油麻地店沿用的產物直接套用即可。基本上先預備好,訂好先,地板鋪設完成後將陸續搬入及安裝。


在我們控制範圍內,由收舖到開業,一個月內完全可以輕鬆應付。現在不穩定因素只有由供應商訂購的標準模型油漆架或未能在預期內送到,這點實在控制不了,但不會影響開業時間。。。

  

  



設備安排

@ 2021.08.23
有了基本的裝修,陳列架等傢俱陸續進場,同時我們亦安排早前已預約好的設備供應商可以開始安裝,如寬頻、CCTV、POS收銀設備、支付設備...等等。在安裝寬頻前一天發生了一點事情,服務供應商說大廈法團未及批准安裝,跟進後問題解決,最終延誤了兩天才可安裝好寬頻。沒有寬頻,我們其他設備安裝也會受影響。因為CCTV, POS, 電話... ,都跟寬頻網線有關。雖然我們已想好了 Plan B, C & D 後備方案,但好彩最終都唔駛用到後備方案都可以順利完成。


在整個過程,我們最擔心的就是玻璃櫃等傢俱。因為早前疫情期間很多裝修工程都延期,近幾個月很多人都為商店、住宅進行裝修,加上運輸不穩定因素,我們最怕是訂造的玻璃櫃要很長時間才可送到。我們亦遲遲未敢公佈開業日期,因為想確認玻璃櫃送到元朗店後沒有問題才放心。在上星期六 (8月21日),玻璃櫃已安全送抵元朗店!!!  所以我們亦確認了開業日期在9月2日 (星期四)!   

預計整個裝修工程將於本星期中完成!  在本星期中我們可以 入貨同 Set 場!   




貨品進場


當師傅已完成絕大部份工程,我地喺8月26日就安排咗送第一批貨落去元朗店。我地預早幾日貨倉同事已經執好哂批貨,呢批貨一共有二十幾個卡板。當呢批貨入哂間舖時,行都冇位行,不過我地預先安排咗十幾位同事喺元朗店幫手Set場,人手總算充足。經過一輪努力,第一日收工前已將大部份貨歸位,Set場過程大致暢順。到咗第二日我地只安排幾位同事過去Set場,其他同事就返回原來工作崗位,繼續為各位師兄服務。下星期初會再安排第二批貨過去,到時再執多一日就完成哂成個Set場工作!

兩年前油麻地店剛開業時的確有D混亂,所以我地呢次預多咗時間去做多D準備工作。當時我地欠缺本地實體店零售經驗,好多嘢都係邊做邊學。

rcMart元朗店9月2日(星期四)正式開張,歡迎各位師兄過嚟參觀吓,再比D意見我地,令我地可以做得更好! 各謝各位,到時見~!


 

  

  

  

  







rcMart 元朗店

元朗鳳攸南街9號 好順利商場地下19-20號舖 2021年9月2日開業