Team Associated 新返 RC10 American Custom 拖車 6×6 套件 30139！

RC10 6x6 向傳奇 RC10 致敬，配置融入咗經典外觀嘅新 6x6 車殼、新 6x6 塑料齒輪箱套件、新 6x6 擴散器套件同車身配件以及新 6x6 流線型鋁金色底盤。為咗增強控制同埋精確度，RC10 6x6仲配備咗鋁製調整桿、金色避震器同金色摩打底板。呢款咁特別嘅 RC10 絕對值得收藏！

G-Force 新返 Genova 第二代兩驅 1/10 越野車 GK200！

以動力性能著稱嘅人氣兩驅越野車 GENOVA 已經進化到第二代啦！喺保留其最大特點，即傳統後置摩打佈局以及帶嚟出色操控穩定性嘅 292mm 長軸距嘅同時，G-Force 仲帶嚟唔少性能上嘅升級。新標配輕量、高強度嘅碳纖維避震器支架以及由高剛性複合材料製嘅前後懸吊臂，除咗超堅固之餘，避震器嘅精度同埋抓地力亦得到進一步提高！同時配備一系列支援高性能嘅功能，例如大口徑油壓同埋完全可調節桿，令 Genova V2 喺任何路面上都可以發揮高性能！而且複雜部件已喺工廠組裝，新手都可以順利組裝，鍾意或者想試下玩越野車嘅朋友就唔好錯過喇！

CEN Racing 新返 M-SPORT 2024 FORD PUMA RALLY 1 1/8 四驅RTR無刷拉力車 9000！

官方授權嘅 Ford Puma 1 WRC 車殼擁有完整車身圖案、後視鏡同埋尾翼，高度還原以體驗超真實感！3mm 鋁製底盤以模具側板同鋁臂支撐，增強整體穩定性。氣動式下懸臂架有助保持底盤緊貼地面，同時保持剛性。可調節轉向連桿同埋避震器仲可以令你根據駕駛風格同埋地形，對底盤進行調整以適應各種賽道！搭載 Hobbywing Max10 SCT 100A 電變以及 Cen Racing 3658 2900kV無刷摩打，五個加速級別同九個制動控制級別，新手老手都可以輕鬆控制！仲有自動油門範圍校準同過熱保護，盡情享受你嘅 RC 體驗！唔好錯過喇！

Schumacher 新返 FT9 1/10 頭驅專業賽車 K219！

融合多種 Mi9 房車特性打造而成嘅 FT9 ，具備所有高端頭驅車所需嘅特性以及調整，快速、輕巧且靈活，擁有超低重心，每個彎道中都可以保持穩定，輕鬆超越對手！採用 7075-T6 鋁合金或特製碳纖維底盤，實現極致減重同埋靈活性！配備經專業團隊精心調整嘅全新懸吊系統，提供最好嘅操控性能，仲有可調式前保護擋泥板、納米避震器、輕量化齒輪差速器、獨立後部車殼安裝等等新特點。頭驅車迷不容錯過！

Tamiya 最新推出預塗裝 1/10 Audi 90 Quattro Racing TT-02 底盤平路房車！

配備白色預塗裝聚碳酸酯車殼（PS-1）及煙熏色車窗（PS-31），已預切輪拱及車殼固定孔，非常適合新手玩家以及經驗豐富又冇乜時間噴殼嘅車友！紅色 ABS 獨立零件包括車側後視鏡、尾翼以及進氣導管，還原度極高！配備全新+4mm 外擴白色碟式輪圈，搭配光頭胎。產品編號 47511，密切留意！

Yokomo 全新推出 RS 直軸套件！

備受追求圈速提升嘅 RS 電動房車車手一直期待，全新直軸套件終於推出！直軸唔單止比標準齒輪差速器更輕，仲可以消除不必要嘅差速作用，為你帶嚟更穩定嘅操控表現，尤其喺地毯等高抓地力嘅場地，效果特別顯著！出彎時提供更高嘅穩定性，減少加速時嘅打滑現象，出彎速度更加快！雙關節萬向接頭設計有效將取消差速功能所帶嚟嘅負擔最小化，減少動力損失以實現流暢轉向！套裝版本仲提供包含雙萬向軸嘅組合，密切留意！

Yokomo 最新發佈 Master Drift MD2.0 冠軍版飄移車！

Team Yokomo 車手 Kai Ito 憑藉 MD2.0 冠軍版，於馬來西亞舉辦嘅世界級飄移賽事「WTDC」中勇奪世界冠軍！基於 MD2.0 平台開發，前後配重經過優化，兼具高後輪抓地力以及出色轉向操控性。MD2.0 冠軍版將於4月底發售，點擊以下鏈結瀏覽更多細節，密切留意！

https://hk.rcmart.com/hobby-news/Yokomo-Master-Drift-MD2-0-Champion-Edition-Drift-Car